سياسة الخصوصية — تجمّع

هذي سياسة الخصوصية لتطبيق "تجمّع" (منصة ألعاب جماعية). نحترم خصوصيتك، وهذي الصفحة توضح شنو المعلومات اللي نجمعها ولچة نستخدمها.

المعلومات اللي نجمعها

• الإيميل وكلمة السر (عند إنشاء حساب أو تسجيل الدخول) — كلمة السر تُخزن بشكل مشفّر ولا نقدر نشوفها.
• الاسم المعروض بالتطبيق (يُشتق تلقائياً من الإيميل ما لم تغيّره).
• إحصائيات اللعب: عدد الألعاب اللي لعبتها ومجموع النقاط.
• الكوينات: رصيدك وسجلّ اللي ربحته وصرفته، والأشياء الشكلية اللي تشتريها بيها من «متجر الكوينز» (صورة بروفايل جاهزة، إطار، ثيم، لقب، احتفال فوز) واللي لابسها منها، وباقات المحتوى اللي فاتحها ووقت انتهائها. ما نطلب منك ترفع أي صورة.
• المحتوى اللي تنشئه: إذا سويت فئة أسئلة خاصة وحفظتها، نخزّن نص الأسئلة والأجوبة واسمك المعروض كصاحب الفئة، مع كود المشاركة وعدد مرات لعبها.
• ترتيب الفرق (اختياري): إذا سجّلت فريقك بنهاية لعبة الفئات، نخزّن اسم الفريق واليوزر اللي تختاره، ونتيجة كل سؤال بتلك اللعبة (صح أو غلط)، ومجموع النقاط وعدد الألعاب — مربوطة بحسابك.
• وقت موافقتك على شروط الاستخدام ونسخة الشروط اللي وافقت عليها.
• بلاغاتك عن محتوى مسيء (فئة أو اسم فريق): سبب البلاغ وأي ملاحظة تكتبها، ومعرّف حسابك إذا كنت مسجّل دخول.
• ملاحظاتك على الأسئلة (زر «✏️ لاحظت غلط؟»): نوع الغلط وأي ملاحظة تكتبها، ونسخة من السؤال اللي شفته، ونوع جهازك (أندرويد أو آيفون)، ومعرّف حسابك إذا كنت مسجّل دخول. يشوفها فريق التطبيق بس حتى يصحّح الأسئلة.

ما نجمع جهات الاتصال ولا الصور ولا الموقع الدقيق (GPS). الموقع التقريبي الوحيد اللي ممكن يُستنتج هو من عنوان الإنترنت (IP) لغرض الإعلانات، وموضّح بقسم «الإعلانات والتتبع» أدناه.

الإعلانات والتتبع

التطبيق مجاني بالكامل ومموّل بالإعلانات — ماكو اشتراكات ولا مشتريات داخل التطبيق. الإعلانات تُعرض عبر خدمة Google AdMob بنسختَي أندرويد والآيفون، وتظهر داخل التطبيق المثبّت فقط ولا تظهر بنسخة المتصفح.

• AdMob يجمع ويستخدم معرّف الإعلانات الخاص بجهازك (Advertising ID على أندرويد، IDFA على الآيفون)، ومعلومات عن الجهاز، وبيانات عن الإعلانات اللي شفتها وتفاعلت وياها، وموقعاً تقريبياً يُستنتج من عنوان الإنترنت (IP).
• هذي البيانات تُستخدم لعرض إعلانات مناسبة وقياس أدائها، وقد تُستعمل لتتبعك عبر تطبيقات ومواقع تعود لشركات أخرى.
• تُجمع من قِبل Google مباشرة كطرف ثالث، ونحن ما نطّلع عليها بشكل فردي.
• على الآيفون: أول ما تفتح التطبيق يطلب منك إذن التتبع (App Tracking Transparency). إذا رفضت، تبقى تشوف إعلانات بس غير مخصصة — والرفض ما يمنعك من أي شي باللعبة.
• الإعلانات بمكافأة اختيارية: إذا اخترت تشوف إعلان مقابل كوينز، نرسل لـ Google رقم عشوائي يُستخدم مرة وحدة حتى يأكد لنا إن الإعلان اكتمل — ما نرسل هويتك ولا اسمك ولا إيميلك. ما تنجبر تشوفها حتى تلعب.
• على أندرويد: تكدر تعيد ضبط معرّف الإعلانات أو تحذفه من الإعدادات ← Google ← الإعلانات.
• لمعرفة كيف تتعامل Google مع هذي البيانات: سياسة Google لشركاء المواقع والتطبيقات.

المحتوى الذي ينشئه المستخدمون

التطبيق يسمح لك بإنشاء فئات أسئلة خاصة ومشاركتها مع آخرين عبر كود قصير، وبتسجيل فريقك بترتيب الفرق باسم ويوزر تختارهم. انتبه لهذي النقاط:

• أي فئة تحفظها وتطلع لها كود تصير متاحة لأي شخص يوصله هذا الكود — فلا تكتب فيها معلومات شخصية عنك أو عن غيرك.
• إنت المسؤول عن المحتوى اللي تكتبه، وتوافق على شروط الاستخدام قبل أول نشر.
• أي مستخدم يقدر يبلّغ عن فئة مسيئة من داخل التطبيق (زر «⚑ بلّغ»). الفئة اللي توصلها بلاغات متعددة تنخفي تلقائياً عن الجميع لحين المراجعة.
• نحتفظ بحق حذف أي محتوى مخالف وحظر الحساب المتكرر بالمخالفة.
• وتقدر انت بنفسك تحظر أي ناشر من نافذة البلاغ — بعدها ما توصلك أي فئة منه، وتنشال فئاته من عندك. قائمة المحظورين بشاشة حسابك وتكدر تلغي الحظر بأي وقت.
• المحتوى المنشور يمرّ على تصفية آلية للكلمات المسيئة قبل ما ينحفظ.
• تقدر تحذف أي فئة سويتها بنفسك بأي وقت من «فئاتي المحفوظة».

ترتيب الفرق:

• اسم الفريق واليوزر ونقاطه تظهر لكل مستخدمي التطبيق بشاشة «ترتيب الفرق» — فلا تستخدم اسمك الكامل أو أي معلومة شخصية كاسم أو يوزر للفريق.
• اسم الفريق واليوزر يمرّون على نفس التصفية الآلية للكلمات المسيئة قبل ما ينحفظون.
• جنب كل فريق زر «⚑» للتبليغ عن اسمه. الفريق اللي توصله بلاغات من عدة حسابات ينخفي تلقائياً من الترتيب لحين المراجعة.
• وتقدر تحظر صاحب أي فريق من نافذة البلاغ — بعدها تنشال كل فرقه من الترتيب عندك، وما توصلك فئاته الخاصة. قائمة المحظورين بأسفل شاشة الترتيب (وبشاشة حسابك)، وتكدر تلغي الحظر بأي وقت.

كيف نستخدم المعلومات

• لإنشاء حسابك وتسجيل دخولك.
• لحفظ وعرض إحصائيات ألعابك.
• لحساب نقاط الفرق وعرض ترتيب الفرق. النقاط تعتمد على صعوبة كل سؤال، وصعوبته تنحسب من نتائج كل الفرق بشكل مجمّع.

نحن ما نستخدم اسمك ولا إيميلك ولا إحصائيات ألعابك ولا نتائج فرقك لأي غرض إعلاني، وما نبيع بياناتك ولا نشاركها مع أي طرف ثالث لأغراض تسويقية. بيانات الإعلانات اللي يجمعها Google AdMob منفصلة تماماً عن هذي، وموضّحة بقسم «الإعلانات والتتبع» أعلاه.

مين يوصل للمعلومات

بياناتك تُخزن بقاعدة بيانات Supabase (مزود استضافة قواعد بيانات)، محمية بقواعد أمان (Row Level Security) تخلي كل مستخدم يوصل بس لبياناته هو.

الاستثناءات:

• المحتوى اللي تنشره: الفئات اللي تحفظها ويطلع لها كود مشاركة يشوفها أي شخص يوصله الكود، مع اسمك المعروض. هذا اختيار منك وقت ما تنشرها.
• ترتيب الفرق: إذا سجّلت فريقك، اسمه ويوزره ونقاطه وعدد ألعابه ونسبة إجاباته الصحيحة يشوفها كل مستخدمي التطبيق. وإذا لابس صورة بروفايل أو إطار أو لقب من متجر الكوينز، تظهر جنب فريقك (أشكال جاهزة من التطبيق، مو صورك). نتيجة كل سؤال لحاله ما تظهر لأحد، واسمك المعروض وإيميلك ما يظهرون ويا الفريق. هذا اختيار منك وقت ما تسجّل.
• الإعلانات: Google AdMob يجمع بيانات الجهاز ومعرّف الإعلانات كما موضّح بقسم الإعلانات أعلاه.
• خدمات المحتوى: بعض الأسئلة تجيب محتواها من خدمات خارجية وقت اللعب — صور الأعلام من flagcdn.com، ومقاطع الأغاني (بنسخة أندرويد) من خدمة Apple iTunes. هذي الخدمات يوصلها عنوان الإنترنت (IP) مالت جهازك والملف المطلوب، مثل أي تحميل من الإنترنت، وما نرسل لها أي معلومة عن حسابك.
• حقوق الصور: صور الأسئلة (مثل صور اللاعبين) أصلها من ويكيميديا كومنز ومنشورة برخص حرة (مثل المشاع الإبداعي)، ونستضيف نسخة منها على خوادمنا (Supabase) فتنزل منها وقت اللعب. اسم صاحب كل صورة ورخصتها مكتوبة تحتها داخل السؤال.

ما نبيع بياناتك ولا نشاركها مع أي طرف ثالث لأغراض تسويقية.

أمان البيانات

نستخدم تشفير قياسي لحماية كلمات السر (bcrypt عبر Supabase Auth)، واتصال آمن (HTTPS) بين التطبيق وقاعدة البيانات.

حقوق المستخدم

• حذف الحساب من داخل التطبيق: اضغط على اسمك بأعلى الشاشة ← «حذف الحساب». ينمسح فوراً ونهائياً: ملفك الشخصي، كويناتك، إحصائياتك، والفئات الي نشرتها (وتبطل أكوادها)، وفرقك بترتيب الفرق ونتائجها. البلاغات اللي أرسلتها تبقى لأغراض الإشراف بدون أي ربط بحسابك. العملية ما ترجع.
• وتقدر هم تطلب الحذف عن طريق الإيميل بالأسفل — ننفّذ الطلب خلال ٣٠ يوم. وإذا تريد تشيل فريق من الترتيب بدون ما تحذف حسابك، راسلنا بيوزر الفريق.
• تقدر تحذف أي فئة أسئلة سويتها مباشرة من داخل التطبيق.
• تقدر تطلب نسخة من بياناتك المخزّنة عندنا.

خصوصية الأطفال

التطبيق مخصص لمن عمره ١٣ سنة فما فوق، وما يستهدف الأطفال تحت ١٣ سنة، وما نجمع بوعي أي بيانات منهم. إذا اكتشفنا حساباً لطفل تحت ١٣، نحذفه وبياناته.

بما إن التطبيق يسمح بمحتوى ينشئه المستخدمون، ننصح أولياء الأمور بمتابعة استخدام أبنائهم، ونوفّر زر تبليغ داخل التطبيق للإبلاغ عن أي محتوى غير مناسب.

تحديثات على هذي السياسة

ممكن نحدّث هذي الصفحة بين فترة وأخرى. أي تغيير مهم راح ينعكس هنا مباشرة بتاريخ التحديث بالأعلى.